شكون حنا
تخلقات أرجينوكس ف واحد السياق للي الإبتكار ولى ضروري بالنسبة للشركات و المؤسسات لأسباب كتعلق بالتضخم، المنافسة، التبادل الحر، الإستدامة و حماية البيئة من جهة. و من جهة أخرى، لضمان الاستمرارية أو من أجل التحكم في السوق.
أرجينوكس جا باش إواكب الابتكار و الإبداع بمفهوم تمغربيت و نحققو السيادة ديالنا فيما يخص الاستشارة في الابتكار و عدم اللجوء إلى كوبي-كولي من تجارب أجنبية، أو الاعتماد على أجانب باش إقترحت و إواكبو مراحل الابتكار.
المنهجية ديالنا فعالة و عملية حيت كتعتامد على المشاركة ديال جميع الفئات لي تقدر تفاجئنا ب أفكار واعرة و غير متوقعة.

أرجينوكس هي أول منصة مغربية و أفريقية لتنظيم مسابقات الإبداع و الابتكار في جميع التخصصات و المجالات. حيت كننظمو مسابقات إبداعية و رائعة لي تخول للمشاركين إعبرو و إقتارحو تصاميمهم و لي تختارو رابحين كياخدو جوائز مادية.
أرجينوكس كتعطي للمدراء، رؤساء الأقسام، المدراء الفنيين، الناس د البحث و التطوير، الناس ديال التسويق واحد بنك الأفكار البسيطة، المستقبلية و العملية. و ماتحكروش أي فكرة لي كتجي من زبناء أو غير زبناء ولا من كافة الناس المشاركين.
منصة أرجينوكس متطورة و قادة تماشى مع جميع أنواع المسابقات و صالحة لجميع القطاعات. هادشي كامل باش نتعاونو و نزيدو بالابتكار للقدام و نطورو النظام الاقتصادي د البلاد..

إيكونست هي شركة مغربية لي مالكة و مطورة أرجينوكس، هاد الشركة مختصة في عدة مجالات، أهمها:
التفكير التصميمي: الشركة مختصة كمستشار، مواكب و فاعل في مجمل مراحل التفكير التصميمي، لي كيبدى من اكتشاف الحاجيات و التشخيص، تم خلق أفكار و حلول، صناعة النماذج الأولية، النماذج التجريبية، التجارب و الملاحظات، الإطلاق الفعلي للمشروع، أخيرا التقييم.
فهاد التخصص كنعتامدو على أرجينوكس باش نجمعو الأفكار و التصاميم في المراحل الأولى ديال التفكير التصميمي.
حضانة المشاريع: عندنا دراية كبيرة في مواكبة المشاريع المبتكرة و حاملي المشاريع و تحويل الأفكار إلى واقع. الفريق ديالنا كيتكون من خبراء في التمويل، خبراء في التسويق، الديجيتال والقانون. و زيد معرفتنا التامة بكل مراحل التفكيير التصميمي و الوسائل اللوجستية لي عندنا لي كيخليينا محترفين موثوق بهم و تيديرو تأثير في النظام المقولاتي ف البلاد.
التكوين و التدريب: الفريق ديال المتكون من خبراء و مهنيين كوفرو خدمات التكوين و توصيل الكفاءة في مجالات ذات إلاختصاص..